لیجنڈ کرکٹر جاوید میانداد کا کہناہےکہ میں مکمل فٹ اور صحت مند ہوں۔ لوگوں نے پیسے کمانے کی خاطر میری صحت کے حوالے سے جھوٹی خبریں چلائیں۔

کراچی میں میڈیا سے گفتگو کے دوران جاوید میانداد نے کہا کہ انڈر 19ورلڈ کپ کے فائنل میں ہاتھ نہ ملاکر اپنے بڑوں کی طرح چھوٹے بھارتی کرکٹر بھی تنقید کی زد میں ہیں ، جب ہاتھ نہیں ملانا تھا تو کھیلنے کیوں آئے تھے۔

جاوید میانداد نےکہا کہ بھارتی ٹیم کا رویہ نریندر مودی کی وجہ سے ہے ، بھارت کو چاہئیے کہ پاکستان کیساتھ دو طرفہ کرکٹ کھیلے، سنیل گواسکر سمیت تمام سابق بھارتی کرکٹر سے کہونگا کہ وہ نریندر مودی کو سمجھائیں۔

لیجنڈ کرکٹر نے کہا کہ انڈر 19 ایشیا کپ کے فائنل میں بھارت اور پاکستان کا پورا میچ دیکھا ، میچ کے دوران لڑکوں نے بہت جان لڑائی ، ان کا جوش نظر آیا ۔یہ جوش اور جذبہ ہی جیت دلاتا ہے۔

اپنی صحت کے حوالے سے جاوید میانداد نے کہا کہ لوگوں نے پیسے کمانے کی خاطر میری صحت کے حوالے سے جھوٹی خبریں چلائیں ، میں نے پبلک اویرنیس کیلئے ویڈیو بنائی تھی۔ میں مکمل فٹ اور صحت مند ہوں۔