پاکستان کرکٹ بورڈ (پی سی بی) نے ون ڈے فارمیٹ میں محمد رضوان کو کپتانی سے فارغ کر کے ان کی جگہ شاہین شاہ آفریدی کو ایک مرتبہ پھر کپتان مقرر کر دیا۔
شاہین شاہ آفریدی کی تقرری کا فیصلہ اسلام آباد میں ہونے والے اجلاس میں کیا گیا، جس میں ہیڈ کوچ مائیک ہیسن، ڈائریکٹر ہائی پرفارمنس عاقب جاوید اور سلیکشن کمیٹی کے ارکان شریک ہوئے۔
پاکستان کرکٹ بورڈ کے مطابق شاہین شاہ آفریدی کو پاکستان ون ڈے ٹیم کا کپتان مقرر کر دیا گیا ہے، بائیں ہاتھ کے فاسٹ باؤلر اب جنوبی افریقا کے خلاف تین میچوں کی ون ڈے سیریز میں ٹیم کی قیادت کریں گے، جو 4 سے 8 نومبر تک فیصل آباد کے اقبال اسٹیڈیم میں کھیلی جائے گی۔
ڈان نیوز کے مطابق محمد رضوان کو ہیڈکوچ مائیک ہیسن اور سلیکشن کمیٹی سے اختلافات لے ڈوبے کیونکہ محمد رضوان اسکواڈ سلیکشن میں مزید اختیارات چاہتے تھے۔ ہیڈکوچ مائیسک ہیسن نے رضوان کو ہٹانے کے لیے براہ راست پی سی بی کو رابطہ کیا۔ اب وکٹ کیپر بیٹر محمد رضوان کی ون ڈے اسکواڈ میں شمولیت پر بھی سوالیہ نشان لگ گیا ہے۔
