پاکستان کرکٹ بورڈ کی سلیکشن کمیٹی نے جنوبی افریقا کے خلاف ون ڈے اور ٹی ٹوئنٹی سیریز جب کہ سہ ملکی ٹورنامنت کے لئے اسکواڈ کا اعلان کردیا ہے۔ جس میں حیرت انگیز طور پر بابر اعظم اور نسیم شاہ کی واپسی ہوئی ہے۔
پاکستان اور جنوبی افریقا کے درمیان شیڈول ٹی 20 اور ون ڈے سیریز 3،3 میچوں پر مشتمل ہوگی۔ ٹی 20 سیریز 28 اکتوبر سے یکم بومبر جب کہ ون ڈے سیریز 4 نومبر سے 8 نومبر تک کھیلی جائے گی۔
جوبی افریقا کے بعد سری لنکا 3 ون ڈے میچز کی سیریز کھیلنے پاکستان آئے گا۔ یہ میچز 11 سے 15 نومبر تک کھیلے جائیں گے۔
ون ڈے سیریز کے بعد پاکستان ٹرائی نیشن ٹی 20 سیریز کی بھی میزبانی کرے گا۔ جس میں سری لنکا اور زمبابوے شامل ہوں گے۔ ٹرائی نیشن ٹی 20 سیریز 17 سے 29 نومبر تک کھیلی جائے گی۔
ٹی 20 اسکواڈ
ٹی ٹوئنٹی ٹیم کی قیادت سلمان علی آغا کریں گے۔ ٹی ٹوئنٹی اسکواڈ میں بابر اعظم، نسیم شاہ اور عبدالصمد کی واپسی ہوئی ہے، جب کہ عثمان طارق واحد نئے کھلاڑی ہیں۔
کھلاڑیوں میں سلمان علی آغا (کپتان)، عبدالصمد، ابرار احمد، بابر اعظم، فہیم اشرف، حسن نواز، محمد نواز، محمد وسیم جونیئر، محمد سلمان مرزا، نسیم شاہ،صاحبزادہ فرحان، صائم ایوب، شاہین شاہ آفریدی، عثمان خان (وکٹ کیپر) اور عثمان طارق شامل ہیں
ون ڈے اسکواڈ
جنوبی افریقا اور سری لنکا کے خلاف ون ڈے سیریز کی قیادت شاہین شاہ آفریدی کریں گے۔ 16 رکنی اسکواڈ میں فیصل اکرم، حارث رؤف اور حسیب اللہ کی واپسی ہوئی ہے۔
ون ڈے اسکواڈ میں شاہین شاہ آفریدی (کپتان)، ابرار احمد، بابر اعظم، فہیم اشرف، فیصل اکرم، فخر زمان، حارث رؤف، حسیب اللہ، حسن نواز، حسین طلعت، محمد نواز، محمد رضوان (وکٹ کیپر)، محمد وسیم جونیئر، نسیم شاہ، صائم ایوب اور سلمان علی آغا شامل ہوں گے
