پاکستان کرکٹ ٹیم کے ہیڈ کوچ مائیک ہیسن کا کہنا ہے کہ ٹی ٹوئینٹی فارمیٹ میں ہم کچھ چیزوں پر کام کررہے ہیں،، ایسے کھلاڑیوں کو زیادہ موقع دیا جائیگا جو انٹرنیشنل پلان پر پورا اترینگے ۔
نیشنل بینک اسٹیڈیم کراچی میں میڈیا سے گفتگو کرتے ہوئے ہیڈ کوچ نے کہا کہ اگر ہم ٹی20 میں پیچھے ہیں تو اس کی وجہ ہماری بیٹنگ ہے، ماڈرن ڈے کرکٹ میں آپ کو تیز کھیلنا ہوتا ہے، کسی بیٹر کو یہ نہیں کہا کہ 150 کے اسٹرائیک ریٹ سے کھیلیں۔
ان کا کہنا ہے کہ بابر اعظم بطور اوپنر ٹیم میں جگہ بنانے کیلئے کام کررہے ہیں۔ بہت سی باتیں اس حوالے سے گردش میں ہیں۔ بابر اعظم ہمارے وکٹ کیپنگ کے آپشن میں شامل نہیں ہیں۔ فخر زمان اور صائم ایوب اوپنرز کے آپشنز میں شامل ہیں۔
مائیک ہیسن نے کہا حسن علی ویسٹ انڈیز میں ہمارے ساتھ ہونگے، حسن علی بہت اچھی کرکٹ کھیل رہے ہیں ، فاسٹ بولر کی غیر موجودگی میں ہم نے دوسرے بولرز کو موقع دیا ہے۔
انہوں نے کہا کہ شاہین شاہ آفریدی ورلڈ کلاس بولر ہیں لیکن انہیں ٹی ٹوئنٹی کا حصہ نہیں بنایا گیا اس فارمیٹ میں وہ بہت جلد واپس آئنگے ،، حارث رئوف انجری کی وجہ سے ٹیم میں نہیں ہیں،، سلمان مرزا کو حسن علی کی جگہ شامل کیا گیا ہے۔
