دورہ آئرلینڈ کیلئے پاکستان ویمنز ٹیم کا اعلان کر دیا گیا، فاطمہ ثناء آئرلینڈ کے خلاف 3 ٹی ٹوئنٹی میچز میں کپتانی کریں گی۔

پی سی بی کے مطابق 15 رکنی اسکواڈ کا انتخاب وومنز نیشنل سلیکشن کمیٹی نے اسکلز کیمپ میں شریک 24 کھلاڑیوں میں سے کیا۔

آئرلینڈ کے خلاف سیریز 6 سے 10 اگست تک ڈبلن میں کھیلی جائے گی۔ روانگی سے قبل کراچی میں قومی ٹیم پر مشتمل کھلاڑیوں کو پری سیریز کیمپ میں شرکت کرنی ہوگی۔

قومی اسکواڈ میں عالیہ ریاض، ڈیانا بیگ، ایمان فاطمہ، گل فیروزا، مونیبہ علی، نجیحہ علوی (وکٹ کیپر) ٹیم کا حصہ ہیں۔

اس کے علاوہ نشرہ سندھو، ناتالیہ پرویز، رمین شمیم، صدف شمس، سعدیہ اقبال، سدرہ امین، طوبیٰ حسن اور وحیدہ اختر بھی 15 رکنی اسکواڈ میں شامل ہیں۔

ایمان فاطمہ کو پہلی بار قومی ویمنز اسکواڈ میں شامل کیا گیا ہے انہوں نے 2023 ویمنز انڈر 19 ورلڈ کپ میں پاکستان کی نمائندگی کی تھی