پاکستان کرکٹ بورڈ نے کھلاڑیوں کے لئے سینٹرل کنٹریکٹس کا اعلان کردیا۔۔ جس کی مدت یکم جولائی 2025 سے 30 جون 2026 تک ہے۔

پی سی بی قومی سطح پر نمائندگی کرنے والے کھلاڑیوں سے معاہدے کرتا ہے۔ جس کے تحت اے کیٹیگری کے کھلاڑیوں کو آئی سی سی آمدنی سمیت 65 لاکھ، بی کو 45 لاکھ، سی کو 20 لاکھ اور ڈی کیٹیگری میں شامل کھلاڑیوں کو تقریبا 12 لاکھ روپے ماہانہ دیے جاتے ہیں۔

پی سی بی کے مطابق 30 کھلاڑیوں کو کنٹریکٹ میں شامل کیا گیا ہے۔ پرفارمنس کی بنیاد پر کیٹیگری بی، سی اور ڈی میں 10،10 کھلاڑی رکھے گئے ہیں۔

گذشتہ سال 27 کھلاڑیوں کو کنٹریکٹ دیے گئے تھے۔ جو رواں برس بڑھ کر 30 ہوگئی ہے جب کہ 12 نئے کھلاڑی احمد دانیال، فہیم اشرف، حسن علی، حسن نواز، حسین طلعت، خوشدل شاہ، محمد عباس، محمد حارث، محمد نواز، صاحب زادہ فرحان، سلمان مرزا اور سفیان مقیم کو کانٹرکٹ میں شامل کیا گیا ہے۔

9 کھلاڑی اپنی سابقہ کیٹیگری برقرار رکھنے میں کامیاب جب کہ 8 کھلاڑی کنٹریکٹ حاصل کرنے میں ناکام رہے۔

بی کیٹیگری میں بابر اعظم، محمد رضوان، شاہین شاہ، فخر زمان، شاداب خان، ابرار احمد، حارث رؤف، حسن علی، صائم ایوب، سلمان علی آغا شامل ہیں

سی کیٹیگری میں عبداللہ شفیق، نسیم شاہ، سعود شکیل، فہیم اشرف، ساجد خان، محمد نواز، محمد حارث، صہیبزادہ فرحان، حسن نواز اور نعمان علی جگہ بناپائے ہیں۔