کراچی پورٹ پر ملکی تاریخ کا پہلا بنکرنگ لائسنس جاری کر کے عالمی معیار کی بنکرنگ سروسز کا باضابطہ آغاز کر دیا گیا ہے۔ یہ اہم قدم ملک کی میری ٹائم تاریخ میں ایک نئے دور کا آغاز ہے، جس کا مقصد کراچی پورٹ کو علاقائی سطح پر ایک مضبوط مسابقتی مقام دلانا ہے۔
کراچی پورٹ پر پہلی عالمی معیار کی بنکرنگ سروس کا آغاز کر دیا گیا۔یہ سروس وزیرِ اعظم کی خصوصی ہدایات پر شروع کی گئی ہے۔
اس حوالے سے وفاقی وزیر بحری امور جنید انوار چوہدری کا کہنا تھا کہ کراچی پورٹ پر پہلی عالمی معیار کی بنکرنگ سروس کا آغاز کر دیا گیا۔ اس سلسلے میں متعدد بین الاقوامی کمپنیوں نے بھی لائسنس کے لیے دلچسپی ظاہر کی ہے۔
جنید انوار چوہدری کا کہنا تھا کہ مستقبل میں پورٹس سے اربوں روپے کی آمدنی متوقع ہے۔منظم بنکرنگ سروسز سے غیر ملکی شپنگ لائنز کی آمد بڑھے گی، اور کراچی پورٹ میں عالمی حفاظتی اور آپریشنل اسٹینڈرڈز نافذ کر دیے گئے ہیں۔
وزیر بحری امور نے اس موقع پر کہا کہ جہازوں کو بین الاقوامی معیار کا فیول سپلائی نظام دستیاب ہوگا۔عالمی معیار کی بنکرنگ سے کراچی پورٹ کی علاقائی مسابقت بڑھے گی اور بنکرنگ آپریشنز سے قیمتی زرمبادلہ حاصل ہوگا۔
انہوں نے کہا کہ ایندھن کے معیار، دستاویزات اور شفافیت پر عالمی اصولوں کی مکمل پابندی ہوگی۔نئی سروس سے مرمت، سپلائیز اور میری ٹائم لاجسٹکس میں روزگار میں اضافہ ہوگا۔ بین الاقوامی شپنگ لائنز کی آمد میں اضافے اور عالمی معیار کی پابندی سے کراچی پورٹ کی ساکھ میں بھی اضافہ ہوگا۔
