ٹک ٹاک نے 8 فروری کو ہونے والے انتخابات سے قبل اپنے پلیٹ فارم پر انتخابی اخلاقیات کے اقدامات کو برقرار رکھنے اور تحفظ فراہم کرنے کے لیے اپنا نکتہ نظر بیان کیا ہے تاکہ یہ پلیٹ فارم اہم سماجی واقعات کے دوران معلومات کا ذمہ دار اور قابلِ اعتماد ذریعہ بنے۔
ٹک ٹاک نے اپنی کمیونٹی گائیڈلائنز کو مدِنظر رکھتے ہوئے غلط معلومات، تشدد اور نفرت انگیز تقاریر سے نمٹنے کے لیے اقدامات کیے ہیں۔ یہ پلیٹ فارم عوامی عمل ، بشمول ووٹر رجسٹریشن، امیدوار کی اہلیت، بیلٹ کاؤنٹنگ، اور انتخابی نتائج کے بارے میں گمراہ کن معلومات کو ہٹانے کے لیے ہمہ وقت کوشاں ہے۔ ٹک ٹاک اپنے پلیٹ فارم ووٹرز کو دھمکانے، ووٹنگ کے عمل کو خراب کرنے، یا تشدد پر اکسانے والے مواد کو روکتا ہے ۔
عالمی سطح پر 40,000 سے زائد ملازمین جدید ٹیکنالوجی کے امتزاج سے پلیٹ فارم پر صارفین کا تحفظ یقینی بنانے کے لیے مصروف عمل ہیں، جس کے لیے انہیں انٹیلی جنس فرمز، انڈسٹری پارٹنرز، اور سول سوسائٹی کا مکمل تعاون بھی حاصل ہے۔
غلط معلومات کو روکنے کے لیے مقامی اور علاقائی فیکٹ چیکرز کے ساتھ مل کر کام کیا جاتا ہے تاکہ پلیٹ فارم سے غلط معلومات کو ہٹایا جاسکے۔ زیرِ جائزہ یا غیر مصدقہ کانٹینٹ کو “For You Feed” کی تجویز سے روکا جاتا ہے، اور ویورز اور کانٹینٹ کریئیٹرز کو اس طرح کے کانٹینٹ کی ممکنہ گمراہ کن نوعیت کے بارے میں خبردار کیا جاتا ہے۔
ٹک ٹاک کی حکمت عملی کا ایک اہم عنصر پلیٹ فارم پر پاکستان الیکشن سینٹر کا عنقریب آغاز ہے۔ یہ مرکز صارفین کو ووٹنگ طریقہ کار اور لوکیشنز سمیت انتخابات سے متعلق مستند معلومات فراہم کرے گا۔جدید ٹیکنالوجی اور مقامی زبان کی مدد سے یہ پلیٹ فارم اپنے کمیونٹی گائیڈ لائنز کی خلاف ورزیوں سے پاک ایک محفوظ ماحول کو یقینی بنانے کے لیے تیار ہے۔
ٹک ٹاک ایک مستند یوزر کے تجربے کو برقرار رکھنے کے ساتھ ساتھ سیاسی اشتہارات کے خلاف اپنی پالیسی کا بھی اعادہ کرتا ہے۔ ٹک ٹاک نے حکومت، سیاستدانوں یا سیاسی جماعتوں کے اکاؤنٹس کے لیے مخصوص پالیسیاں وضع کی ہیں، جو انہیں اشتہارات، فنڈ ریزنگ یا ٹک ٹاک منٹائزیشن ٹولز کے ذریعے رقم دینے یا وصول کرنے کی اہلیت کو ختم کردیتی ہیں۔
ٹک ٹاک کی اپنے پلیٹ فارم کی سالمیت کے تحفظ کے لیے کوششیں صارفین کی تخلیقی صلاحیتوں اور خوشیوں کو فروغ دینے کے عزم کی عکاسی کرتی ہیں۔ اس بات کا اعتراف کرتے ہوئے کہ عالمی واقعات اکثر تخلیقی اظہار کی صلاحیتوں کو متاثر کرتے ہیں، ٹک ٹاک پاکستان اور دنیا بھر میں اپنی کمیونٹی کو سپورٹ کرنے کے لیے کوشاں ہے۔
