مسجد الحرام میں طواف کعبہ کرتے ہوئے ہزاروں فرزندان اسلام کے درمیان ایک طویل قامت شخص لوگوں کی توجہ کا مرکز بن گیا۔۔
عرب نیوز ویب سائیٹ العربیہ میں مطابق حرم کعبہ میں ویسے تو ہر مسلمان اپنے اطراف سے غافل ہوکر اللہ کو راضی کرنے میں مگن ہوتا ہے لیکن کچھ افراد اپنی انفرادی خصوصیات کے باعث لوگوں کی توجہ اپنی جانب مبذول کرالیتے ہیں۔ ایسی ہی ایک ویڈیو بہت وائرل ہورہی ہے۔
ویڈیو میں صاف دیکھا جاسکتا ہے کہ ہزاروں لوگ اللہ کے گھر مٰں موجود ہیں ایسے میں ان کے درمیان ایک شخص بھی محو خرام ہے ۔ یہ شخص انتہائی لمبے قد کا مالک ہے۔ دراز قامت شخص کا قد اندازاً دو ڈھائی میٹر تک ہے۔
دراز قامت شخص کی شناخت نہیں ہوسکی البتہ شکل وصورت سے معلوم ہوتا ہے کہ وہ افریقی نژاد ہیں۔
