بالی وود میں کنگ خان کہے جانے والے اداکار شاہ رخ خان طبیعت خرابی پر اسپتال میں طبی امداد دی جارہی ہے۔
بھارتی میڈیا کے مطابق گزشتہ روز بھارتی شہر احمد آباد میں شاہ رخ خان آئی پی ایل میں اپنی فرنچائز کولکتہ نائٹ رائیڈرز کا حوصلہ بڑھانے ائے تھے۔ ان کی ٹیم نے کوالیفائر میچ میں سن رائزر حیدرآباد کو آٹھ وکٹوں سے شکست دے کر فائنل میں جگہ بنا لی۔
بدھ کی دوپہر شاہ رخ کان کو اسپتال لے جایا گیا ہے۔ جہاں ڈاکٹروں کا کہنا ہے کہ انہیں پانی کی کمی ہوگئی ہے۔ تاہم ان کی حالت خطرے سے باہر ہے۔ انہیں جلد ہی اسپتال سے فارغ کردیا جائے گا۔
شاہ رخ خان کا حال جاننے کے لیے لوگوں کا رش لگ گیا۔ ان کی اہلیہ گوری خان اور بچوں کے علاوہ جوہی چاولہ اور دیگر کئی بالی ووڈ اور سیاسی شخصیات وہاں پہنچیں۔
