بنگلا دیش کے خلاف ٹی ٹوئنٹی میچز کی سیریز کھیلنے کے لئے قومی کرکٹ ٹیم دو مختلف گروپس میں ڈھاکا روانہ ہوگئی ہے۔
کھلاڑی اور منیجمنٹ دو حصؤں میں براستہ دبئی ڈھاکا کے لئے روانہ ہوئے ۔ پہلے گروپ میں سلمان علی آغا، صائم ایوب، فخر زمان، محمد نواز، ابرار احمد، خوشدل شاہ، فہیم اشرف اور سپورٹ اسٹاف شامل تھا۔
جب کہ دوسرے دستےمیں دوسرے گروپ میں محمد حارث، عباس آفریدی، صاحبزادہ فرحان، حسن نواز، سفیان مقیم، حسین طلعت، احمد دانیال، سلمان مرزا اور دیگر عملہ شامل تھا۔
پاکستان اور بنگلا دیش کے درمیان 3 ٹی ٹوئنٹی انٹرنیشنل میچز پر مشتمل سیریز 20 جولائی کو شروع ہوگی، سیریز کے تینوں میچ شیر بنگلا اسٹیڈیم ڈھاکا میں کھیلے جائیں گے۔
