افغانستان کی احسان فراموشی پر شاہد آفریدی کو بھی غصہ آگیا۔
ایکس پر حالیہ پاک افغان کشیدگی کے حوالے سے شاہد آفریدی نےکہا کہ پاکستان ہمیشہ اپنے افغان بھائیوں کے ساتھ کھڑا رہا افغانوں کی مشکلات کو اپنی مشکل سمجھا ۔ اپنی سرحدیں اپنے بھائیوں کے لیے کھول دیں۔ چالیس لاکھ مہاجرین کو اپنی سر زمین پر بسایا ۔
انہوں نے کہا کہ میں ذاتی طور پر اپنے وسائل کے مطابق 350 افغان گھرانوں کی دیکھ بھال کرتا ہوں لیکن انتہائی افسوس سے کہنا پڑتا ہے کہ گزشتہ دنوں افغانستان نے ان تمام احسانات کو فراموش کرتے ہوئے سرحدوں پر کھلی جارحیت کی جس کا ہماری افواج نے بھرپور جواب دیا ۔
لالہ کا کہنا تھا کہ افغانستان کو سوچنا چائیے کہ پاکستان اُس کا برادر اسلامی مُلک ہے لہذا کسی ایسے مُلک کے ہاتوں استعمال نہ ہو جو پہلے ہی پاکستان کے اندر دہشت گردوں کو تعاون فراہم کر رہا ہے ۔
