بابر اعظم نے ون ڈے فارمیٹ میں 20 سنچریاں بنا کر لیجنڈ کرکٹر سعید انور کا ریکارڈ برابر کردیا۔
پاکستان اور سری لنکا کےدرمیان کھیلی جارہی سیریز کے دوسرے میچ میں بابر اعظم نے 26 ماہ بعد انٹرنیشنل کرکٹ میں سنچری بنائی ہے۔
بابر اعظم نے 119 گیندوں پر 102 رنز کی ناقابل شکست اننگز کھیلی، ان کی اننگ میں 8 چوکے شامل تھے ۔
انہوں نے 20 سنچریاں بنا کر سعید انور کا ریکارڈ برابر کردیا۔ اس طرح بابر اعظم کم اننگز میں 20 سنچریاں بنانے والے پاکستانی کھلاڑی بن گئے ہیں۔
بابر اعظم نے 26 ماہ بعد انٹرنیشنل کرکٹ میں سنچری بنائی ہے، انہوں نے 20 سنچریاں بنا کر سعید انور کا ریکارڈ برابر کردیا، بابر اعظم کم اننگز میں 20 سنچریاں بنانے والے پاکستانی کھلاڑی بن گئے ہیں۔
31 سالہ بابر اعظم نے 10 سال کے دوران 138 میچز کی 135 اننگز کھیلیں اور 20 سنچریاں اور 37 نصف سنچریاں اسکور کی ہیں۔
دوسری طرف سعید انور نے 14 سالہ ون ڈے کیرئیر کے دوران 247 میچز کی 244 اننگز کھیلیں اور 20 سنچریاں اور 43 نصف سنچریاں بنائیں۔
