آج تقریباً ہر شخص اینڈرائیڈ اسمارٹ فون استعمال کرتا ہے، لیکن فون میں موجود کئی ایسے کارآمد فیچرز ہیں جن سے بیشتر صارفین واقف نہیں۔ یہ سہولیات روزمرہ کام آسان بنانے کے ساتھ فون کی سیکیورٹی، پرائیویسی اور استعمال کا تجربہ بھی بہتر بناتی ہیں۔
اسکرین ریکارڈنگ
کئی اینڈرائیڈ فونز میں اسکرین ریکارڈنگ کا آپشن موجود ہوتا ہے، جس سے فون پر ہونے والی سرگرمی کی ویڈیو بنائی جا سکتی ہے۔ یہ فیچر گیم ریکارڈ کرنے، کسی کو فون کی سیٹنگ سمجھانے یا اہم معلومات محفوظ کرنے کے لیے مفید ہے۔
اسپلٹ اسکرین
اس فیچر کے ذریعے ایک ہی وقت میں دو ایپس استعمال کی جا سکتی ہیں۔ مثلاً ایک طرف ویڈیو دیکھتے ہوئے دوسری جانب میسجنگ ایپ چلائی جا سکتی ہے۔
گمشدہ فون تلاش کریں
اینڈرائیڈ میں فون گم یا چوری ہونے کی صورت میں اسے تلاش کرنے کی سہولت بھی موجود ہے۔ ضروری سیٹنگز پہلے سے فعال ہوں تو فون کی لوکیشن دیکھنے اور اسے محفوظ کرنے میں مدد مل سکتی ہے۔
لائیو کیپشن
لائیو کیپشن ویڈیو یا آڈیو میں بولی جانے والی آواز کو اسکرین پر تحریر کی صورت میں دکھاتا ہے۔ آواز سننا ممکن نہ ہو تو یہ فیچر خاصا کارآمد ثابت ہوسکتا ہے۔
گسٹ موڈ
اپنا فون کسی دوسرے شخص کو دیتے وقت گسٹ موڈ ذاتی معلومات اور ایپس کو الگ رکھنے میں مدد دیتا ہے، جس سے پرائیویسی بہتر رہتی ہے۔
ڈیجیٹل ویل بیئنگ
اس فیچر سے معلوم کیا جا سکتا ہے کہ آپ روزانہ کس ایپ پر کتنا وقت گزار رہے ہیں۔ بعض فونز میں ایپس کے استعمال کی حد مقرر کرنے کی سہولت بھی ملتی ہے۔
ون ہینڈ موڈ
بڑی اسکرین والے فون کو ایک ہاتھ سے چلانا مشکل ہوتا ہے۔ ون ہینڈ موڈ اسکرین کے استعمال والے حصے کو محدود کرکے فون چلانا آسان بنا دیتا ہے۔
نوٹ: یاد رہے کہ ان فیچرز کی دستیابی اور انہیں فعال کرنے کا طریقہ مختلف اینڈرائیڈ فونز اور آپریٹنگ سسٹمز میں مختلف ہوسکتا ہے۔
