پاکستان تحریک انصاف کے بامنی اور سابق وزیر اعظم، عمران خان کا کہنا ہے کہ یہ الیکشن آزادی کا الیکشن ہے۔
راولپنڈی کی اڈیالہ جیل میں سائفر کیس کی سماعت کے بعد صحافیوں سے گفتگو کے دوران ہوئے عمران خان نے کہا کہ نواز شریف کے بیٹے نےلندن میں 18 ارب روپے کا گھر بیچا یہ پیسے کہاں سے آئے؟، یہ سرٹیفائیڈ منی لانڈرر ہیں۔
سابق وزیر اعظم نے کہا کہ ہمیں ساڑھے 3 سال تک سلیکٹڈ کہا گیا، اس وقت ملک میں جو بھی چل رہا ہے وہ مدر آف آل سلیکشن ہے، ایک سرٹیفائیڈ منی لانڈرر کے تمام کیسز ختم کر دیے گئے۔ ملکی تاریخ میں ایسی سلیکشن کبھی نہیں ہوئی۔
بانی پی ٹی آئی نے کہا کہ نواز شریف کے سپریم کورٹ اور ہائیکورٹ کے تمام کیسز ختم کر دیے گئے ہیں اور الیکشن کمیشن اور انتظامیہ نواز شریف کی مدد کر رہے ہیں، سی سی پی او لاہور تو سرٹیفائیڈ مجرم کو سیلوٹ کررہا ہے۔
عمران خان نے کہا کہ ہمیں بات کرنے کا پورا حق ہے، ہمیں غلام بنایا جا رہا ہے۔ یہ الیکشن آزادی کا الیکشن ہے۔
