پاکستان کرکٹ ٹیم کے جارح مزاج بیٹر فخر زمان ویسٹ انڈیز دورے کے دوران انجری کا شکار ہو کر سیریز کے بقیہ میچز سے باہر ہوگئے ہیں۔
فخر زمان ویسٹ انڈیز کے خلاف دوسرے ٹی ٹوئنٹی میچ کے دوران انجری کا شکار ہوئے تھے، جس کے بعد وہ آج کھیلے جانے والے تیسرے ٹی ٹوئنٹی میں بھی ٹیم کا حصہ نہیں بنے۔
ٹیم منیجمنٹ کے مطابق فخر زمان کو ہیمسٹرنگ انجری لاحق ہوئی ہے جس کے باعث وہ تین میچوں پر مشتمل ون ڈے سیریز میں بھی شرکت نہیں کر سکیں گے۔
وطن واپسی کے بعد فخر زمان نیشنل کرکٹ اکیڈمی میں ری ہیب پروگرام کا آغاز کریں گے تاکہ جلد از جلد مکمل صحت یابی حاصل کی جا سکے۔
