امریکی صدر ڈونالڈ ٹرمپ نے کئی بڑی امریکی کمپنیوں کے سی ای او کے ساتھ وائٹ ہاؤس میں ڈنر کا انعقاد کیا۔ جس میں ’ایپل‘ کے سی ای او ٹم کُک بھی موجود تھے۔ سوشل میڈیا پر ان سے اور ڈونالڈ ٹرمپ سے جڑی کچھ کلپس وائرل ہو رہی ہیں۔ لوگوں کا کہنا ہے کہ کُک نے ٹرمپ کے ساتھ 2 منٹ کی بات چیت میں 8 بار شکریہ کہا ہے۔
امریکی میڈیا کےمطابق امریکی صدر ڈونالڈ ٹرمپ نے کئی بڑی امریکی کمپنیوں کے سی ای او کے ساتھ وائٹ ہاؤس میں عشائیہ کا انعقاد کیا۔
اس موقع پر گوگل کے سی ای او سندر پچائی اور فیس بُک کے سی ای او مارک زکربرگ بھی موجود تھے۔
عشائیہ کے دوران ڈونالڈ ٹرمپ نے ٹم کُک کی ’ایپل‘ میں کام کرنے کی ستائش کرتے ہوئے کہا کہ انہوں نے چھوٹی کمپنی ایپل کے لیے بہترین اور غیر معمولی کام کیا ہے۔ اس پر کُک نے جواب دیا، ’شکریہ، مسٹر پریسیڈنٹ‘۔
ویڈیو میں دیکھا جا سکتا ہے کہ صرف دو منٹ سے بھی کم وقت میں کُک نے کم سے کم 8 مرتبہ شکریہ کہا۔ سوشل میڈیا یوزرس نے ’ایپل‘ کے سی ای او کی اس حرکت کو فوراً نوٹس کیا اور ویڈیو تیزی سے شیئر ہونے لگا۔
عشائیہ کے دوران ٹرمپ نے سیدھے طور پر کُک سے پوچھا کہ ’ایپل‘ کمپنی امریکہ میں کتنی سرمایہ کاری کرنے والی ہے۔ کُک نے جواب دیا ’600 بلین ڈالر‘ جس پر ٹرمپ نے شکریہ کہا اور کُک نے پھر سے شکریہ کیا۔ اس بات چیت کا ویڈیو انٹرنیٹ پر وائرل ہو رہا ہے۔
