بھارت کے سابق اسپنر روی چندرن اشون جلد ہی بگ بیش لیگ‘ (بی بی ایل) میں جلوہ بکھیرتے ہوئے نظر آئیں گے۔ بی بی ایل ٹیم سڈنی تھنڈر نے اشون کو سائن کر لیا ہے۔ اس طرح وہ آسٹریلین ٹی 20 لیگ کھیلنے والے پہلے بھارتی کھلاڑی ہوں گے۔
کرک انفو کے مطابق رواں سال بین الاقوامی کرکٹ اور آئی پی ایل کو خیرباد کہنے والے 39 سال کے روی چندرن اشون 14 دسمبر سے 25 جنوری تک ہونے والے بی بی ایل کے دوسرے ہاف کے لیے دستیاب ہوں گے۔
اس حوالے سے اشون نے کہا ہے کہ سڈنی تھنڈرز کے ساتھ ان کی چیت بہت اچھی رہی۔ مجھے ڈیوڈ وارنر کا کھیل بہت پسند ہے۔ میں ٹیم کے لیے پرفارم کرنے کو بے تاب ہوں۔
دوسری جانب سڈنی تھنڈر کے جنرل منیجر ٹرینٹ کوپ لینڈ نے اسے بی بی ایل کی تاریخ میں سب سے بڑا معاہدہ قرار دیا۔
دوسری جانب کرک انفو کا کہنا ہے کہ اشون بگ بیش لیگ سے قبل ایک اور غیر ملکی لیگ میں بھی کھیلتے ہوئے نظر آ سکتے ہیں۔
اشون آئی ایل ٹی-20 نیلامی میں شامل ہوئے ہیں۔ آئندہ سال 4 جنوری کو لیگ کے ختم ہونے کے بعد وہ بی بی ایل کے دوسرے ہاف میں سڈنی تھنڈر سے جڑیں گے۔
