وزیر دفاع خواجہ آصف کا کہنا ہے کہ 60لاکھ افغان مہاجرین کی مہمان نوازی کی قیمت ہم اپنے خون سے ادا کر رہے ہیں
اپنی ٹویٹ میں انہوں نے کہا کہ بانی پی ٹی آئی نے ہزاروں طالبان کو پاکستان لا کر بسایا۔ آج بھی پی ٹی آئی دہشت گردوں سے مذاکرات کی بات کر رہی ہے۔
وزیردفاع نے کہا کہ برسوں سے ہماری فوج اور عوام کا خون بہایا جارہا ہے۔ افغان حکومت کے ساتھ سالوں پر محیط مذاکرات ہوئے۔ وفود کے کابل آنے جانے کے باوجود پاکستان میں خونریزی بند نہیں ہوئی
خواجہ آصف کا کہنا تھا کہ روزانہ ہمارے فوجی جوانوں کے جنازے اٹھ رہے ہیں۔ 60لاکھ افغان مہاجرین کی مہمان نوازی کی قیمت ہم اپنے خون سے ادا کر رہے ہیں۔
انہوں نے کہا کہ وقت آگیا ہے افغان مہمان اپنے گھروں کو جائیں۔یہ کیسے مہمان ہیں جو میزبانوں کا خون بہاتے ہیں اور قاتلوں کو پناہ میسر کرتےہیں۔
