بالی ووڈ اداکارہ ایشوریا رائے بچن نے گزشتہ دنوں ذاتی حقوق کے تحفظ معاملے پر دہلی ہائی کورٹ میں درخواست دائر کی تھی۔ اب ان کے شوہر اور مشہور اداکار ابھشیک بچن نے بھی عدالت کا دروازہ کھٹکھٹایا ہے۔
بھارت کی اردو نیوز ویب سائیٹ قومی آواز کے مطابق ابھشیک بچن نے ہائی کورٹ میں دائر اپنی درخواست میں موقف اختیار کیا ہے کہ ان کی تصویروں اور ویڈیوز کا جعلی طریقے سے استعمال کرنے والی ویب سائٹس پر پابندی لگائی جائے۔
ابھشیک بچن کے وکیل امت نائک کا کہنا ہے کہ عدالت کی جانب سے ڈیپ فیک اور جعلی مواد کے خلاف عدالتی حکم وقت کا تقاضا ہے۔ اے آئی اور دیگر ڈیجیٹل سسٹم کے ذریعہ مشہور شخصیات ککی ساکھ کو نقصان پہنچایا جارہا ہے۔
