ایشیا کپ ٹی20 میں گروپ میچ کے بعد سُپر فور مرحلے میں بھی بھارت نے پاکستان کو ہرا دیا۔
دبئی میں کھیلے گئےمیچ میں بھارت نے ٹاس جیت کر پہلے فیلڈنگ کا فیصلہ کیا۔ پاکستان نے بھارت کو جیت کے لئے 172رنز کا ہدف دیا جسے بھارتی ٹیم نے 19ویں اوور میں حاصل کرلیا۔
پاکستان کی بیٹنگ
پاکستان نے اپنی اننگز کا آغاز کیا تو اوپنر صاحبزادہ فرحان اور فخر زمان کریز پر اترے، دونوں بیٹرز 21 رنز کی اوپننگ شراکت جاری قائم کی۔اس موقع پر فخر زمان کو تھرڈ امپائر نے غلط آؤٹ دے دیا ۔
پاکستان کی دوسری وکٹ 93 رنز کے مجموعی رنز پر گری جب صائم ایوب شیوم دوبے کی گیند پر کیچ آؤٹ ہوئے۔ انہوں نے 17 گیندوں پر 21 رنز بنائے۔
اس کے بعد حسین طلعت 10 اور محمد نواز 21 رنز بنا کر آؤٹ ہوئے۔اوپنر صاحبزادہ فرحان نے پانچ چوکوں اور تین چھکوں کی مدد سے 45 گیندوں پر 58 رنز بنا کر آؤٹ ہوئے جبکہ کپتان سلمان علی آغا 17 اور فہیم اشرف 20 رنز بنا کر ناٹ آؤٹ رہے۔
بھارت کی بیٹنگ
ہدف کے تعاقب کا آغاز بھارتی بیٹرز ابھشیک شرما اور شبمن گل نے کیا۔ دونوں نے 105 رنز کی پارٹنر شپ قائم کی۔
انڈیا کو پہلا نقصان شبمن گل کی صورت میں ہوا، وہ 47 رنز بنا کر فہیم اشرف کا نشانہ بنے۔ون ڈاؤن کریز پر اترنے والے سوریا کمار یادیو صفر پر آؤٹ ہوئے۔
ابھیشیک شرما پانچ چھکوں اور چھ چوکوں کی مدد سے 39 گیندوں پر 74 شاندار رنز بنا کر پویلین لوٹے۔ وکٹ کیپر سانجو سمسون 13 رنز بنا کر حارث رؤف کا شکار بنے جبکہ تلک ورما 30 اور ہاردک پانڈیا سات رنز کے ساتھ ناٹ آؤٹ رہے۔
