بھارتی سینیما کے سپر اسٹار رجنی کانت کی زندگی کی کہانی اب جلد ہی بڑے پردے (فلمی اسکرین) پر بھی پیش کی جا سکتی ہے۔ رپورٹس کے مطابق رجنی کانت پچھلے کچھ عرصے سے اپنی سوانح حیات (آٹو بائیوگرافی) پر کام کر رہے ہیں، اور اب انہوں نے اسے ایک باقاعدہ فیچر فلم کا روپ دینے کے امکانات پر غور شروع کر دیا ہے۔
بھارتی میڈیا رپورٹس کے مطابق رجنی کانت اپنی اس کتاب میں اپنی زندگی کے سفر، نجی اور جذباتی تجربات، یادگار واقعات اور ایک عام بس کنڈکٹر سے لے کر میگا اسٹار بننے کے شاندار سفر کو قلمبند کر رہے ہیں۔
سپر اسٹار نے اپنے قریبی ساتھیوں اور ہدایت کاروں کے ساتھ اس آپ بیتی کو ایک بایوپک یا فلمی شکل دینے سے متعلق مشورے کیے ہیں۔ تاہم، ابھی تک اس حوالے سے کوئی باضابطہ یا رسمی اعلان نہیں کیا گیا ہے۔
رجنی کانت ان دنوں جیلر 2 اور دھرمین جیسے متعدد بڑے پروجیکٹس کی وجہ سے خبروں میں ہیں۔
