ٹی ٹوئنٹی ورلڈ کپ میں اتوار کو پاکستانی وقت کے مطابق رات ساڑھے آٹھ بجے سب سے بڑا مقابلہ ہونے والا ہے۔ لیکن پاک بھارت ٹاکرے کے دوران موسم کے تیور ٹھیک نظر نہیں آرہے۔
اتوار کو نیویارک میں پاکستان اور بھارت ؎آمنے سامنے ہوں گے۔ ٹی 20 ورلڈ کپ 2024 کا یہ میچ پاکستان کے معیاری وقت کے مطابق رات ساڑھے آٹھ بجے شروع ہوگا۔
ٹیم انڈیا نے اپنے پہلے میچ میں آئرلینڈ کو شکست دے کر ٹورنامنٹ میں شاندار شروعات کی ہے تو وہیں پاکستان کو پہلے میچ میں اپ سیٹ کا سامنا کرنا پڑا ہے۔
ٹیم انڈیا پاکستان کو شکست دے کر اور مسلسل دوسری جیت درج کر کے سپر 8 کے لیے اپنا دعویٰ مضبوط کرنا چاہے گی، جب کہ پاکستان جیت درج کر کے سپر 8 کی دوڑ میں رہنے کی کوشش کرے گا۔
میچ نیویارک کے مقامی وقت کے مطابق صبح ساڑھے 10 بجے شروع ہوگا موسم کا حال بتانے والی ویب سائٹ ایکیو ویدر کے مطابق صبح 11 بارش کے 51 فیصد امکانات ہیں۔یعنی عنی میچ شروع ہونے کے آدھے گھنٹے بعد بارش کی وجہ سے خلل پڑ سکتا ہے۔
اس کے علاوہ میچ کے دن کے ابتدائی اوقات میں بھی بارش کی پیش گوئی کی گئی ہے۔اگر میچ بارش کی وجہ سے منسوخ ہوتا ہے تو دونوں ٹیموں کو ایک ایک پوائنٹ دیا جائے گا۔ لیگ مرحلے کے میچوں کے لیے ریزرو ڈے نہیں رکھا گیا۔ آئی سی سی نے سیمی فائنل اور فائنل کے لیے ریزرو ڈے رکھا ہے۔
دونوں ٹیمیں اس میچ کو منسوخ نہیں دیکھنا چاہیں گی۔ کیونکہ یہ میچ دونوں ٹیموں کے لیے اہم ہے۔ یہ میچ جیت کر بھارتی ٹیم سپر 8 کے لیے اپنا دعویٰ مضبوط کر لے گی جب کہ شکست کے بعد پاکستانی ٹیم سپر 8 کی دوڑ سے تقریباً باہر ہو جائے گی۔
