پاکستان نے اے ایف سی ویمنز ایشین کپ کوالیفائر میں انڈونیشیا کو 2-0 سے شکست دے کرپہلی فتح اپنے نام کرلی۔
عالمی ویمنز فٹبال رینکنگ میں پاکستانی ٹیم 157 نمبر ہے جبکہ انڈونیشین ٹیم 95 ویں پوزیشن پر ہے۔ دونوں اے ایف سی ویمنز ایشیا کپ کوالیفائرز کے گروپ ڈی میں مدمقابل تھیں۔
پاکستان نے مقابلہ 2 صفر سے جیت کر ٹورنامنٹ کے کوالیفکیشن مرحلے میں پہلی کامیابی حاصل کرلی۔
آغاز سے ہی پاکستانی کھلاڑیوں کاپلڑا بھاری تھا۔ نادیہ خان نے آٹھویں منٹ میں گول کر کے پاکستان کو ابتدائی برتری دلائی۔ جس کے بعد سوہا ہیرانی نے 18 ویں منٹ میں پنالٹی پر گول کر کے پاکستان کی واضح برتری دلا دی۔ جواب میں انڈونیشیا کوئی گول نہ کرسکا۔
اے ایف سی ویمنز ایشیا کپ کوالیفائرز کے گروپ ڈی میں چائنیز تائپے نے پاکستان کو صفر کے مقابلے میں 8 گول سے شکست دی تھی۔ پاکستان اپنا آخری گروپ میچ 5 جولائی کو کرغزستان کے خلاف کھیلے گا، جو پاکستانی وقت کے مطابق دوپہر ڈیڑھ بجے شروع ہوگا۔
