وفاقی وزیر داخلہ و چئیرمین پاکستان کرکٹ بورڈ محسن نقوی نے قومی ہاکی ٹیم کے ہر کھلاڑی کو 10 لاکھ انعام کا اعلان کردیا۔
بیان کے مطابق لاہور میں قومی ہاکی ٹیم کے کپتان عماد شکیل بٹ نے محسن نقوی کو محسن نقوی کو نشان امتیاز عطا ہونے پر مبارکباد دی۔ انہوں نے وفاقی وزیر کو ملک میں ہاکی کی بحالی اور پرو ہاکی لیگ میں شرکت کے ایشوز سے آگاہ کیا۔
ملاقات میں ہاکی کے کھلاڑیوں کی بہبود اور تربیت کے معاملات بھی زیر غور آئے۔
محسن نقوی نے کہا کہ ہاکی کھلاڑیوں کے میڈیکل و فٹنس کیسز کو پی سی بی کی پیشہ وارانہ میڈیکل ٹیم ہینڈل کرے گی۔ اس کے علاوہ ہاکی پلئیرز کے ویزا ایشوز کو بھی حل کرایا جائے گا۔
چیئرمین پی سی بی نے ہاکی کے کھیل کی بحالی کےلیے ہر ممکن معاونت کی یقین دہانی کراتے ہوئے کہا کہ ہماری لاجسٹک ٹیم ہاکی پلئیرز کو سہولت دے گی۔ پرو ہاکی لیگ کے لئے قومی ٹیم کا کوالیفائی کرنا اعزاز ہے۔ قومی ٹیم کی ایونٹ میں شرکت کے حوالے سے اپنا پورا کردار کروں گا۔
