پاکستان کرکٹ بورڈ نے ملک کے سب سے بڑے ٹی 20 ٹورنامنٹ پاکستان سپر لیگ کے 10 سال مکمل ہونے پر ڈاکومنٹری بنانے کا فیصلہ کیا ہے۔
میڈیا رپورٹس کے مطابق پی ایس ایل پر بننے والی دستاویزی فلم جدید طرز اور تمام تقاضوں مد نظر رکھ کر تیار کی جائے گی۔ جس میں پی ایس ایل کے 2016ء سے 2025ء تک کے سفر کے اتار چڑھاؤ اور کامیابیوں کو دکھایا جائے گا۔
دستاویزی فلم میں پی ایس ایل کی دبئی سے پاکستان منتقلی اور غیر ملکی کھلاڑیوں کو لانے جیسے چیلنجز سے پردہ اٹھایا جائے گا، اس میں کورونا وبا کے دنوں میں پی ایس ایل کو درپیش چیلنجز اور ان مقابلوں کا بھی خصوصی ذکر کیا جائے گا۔
دنیا کی 3 بہترین ٹی 20 لیگز میں شامل پی ایس ایل کی کامیابی کے لئے کی جانے والی کاوشوں کو بھی دکھایا جائے گا۔
پی سی بی ڈاکومنٹری کیلئے شہرت یافتہ اور ماہر کمپنیوں کی خدمات حاصل کرنے کا خواہشمند مند ہے ۔ اس سلسے میں خواہشمند افراد اور کمپنیوں سے اگلے ہفتے پیش کش طلب کرنے کا امکان ہے۔
