آئندہ برس سرکاری اسکیم کے تحت فریضہ حج کی ادائیگی کے خواہشمندوں کا فیصلہ ہو گیا۔۔
وفاقی وزارت مذہبی امور کے مطابق آئندہ برس سرکاری حج کوٹے کے تحت ایک لاکھ 18 ہزار سے زائد عازمین فریضہ حج ادا کریں گے۔۔ اس سلسلے میں درخواستوں کی وصولی کا عمل مکمل ہوگیا ہے۔
حج درخواستیں پہلے آئیے پہلے پائیے کی بنیاد پر وصول کی گئیں ۔ مقررہ تعداد مکمل ہونے کے بعد درخواستوں کی وصولی کا عمل بند کردیا گیا۔ 17 روز میں عازمین نے آن لائن اور منتخب بینکوں کے ذریعے درخواستیں جمع کروائیں۔
ذرائع وزارت مذہبی امور کے مطابق عازمین نے طویل اور مختصر دورانیے کے حج کے لئے درخواستیں جمع کروائیں۔
سرکاری اسکیم کے تحت حج اخراجات کا تخمینہ ساڑھے گیارہ لاکھ سے ساڑھے بارہ لاکھ روپے ہے۔ وزارت مذہبی امور نے نصف حج اخراجات پہلی قسط کے طور پر وصول کیے ۔ حج کے باقی اخراجات دوسری قسط میں وصول کئےجائیں گے۔ حج واجبات کی دوسری قسط کی وصولی یکم نومبر سے شروع کی جائے گی۔
