اداکارہ علیزے شاہ نے انکشاف کیا ہے کہ وہ شدید ذہنی بیماری پوسٹ ٹرامیٹک اسٹریس ڈس آرڈر میں مبتلا ہیں اور اس کی وجہ شوبز انڈسٹری میں ان کے ساتھ ہونے والا سلوک ہے۔
علیزے شاہ نے انسٹاگرام پر پوسٹ شیئر کی۔جس میں انہوں نے لکھا کہ 12 گھنٹے مسلسل کام کے دوران روا رکھا گیا رویہ انہیں اندر سے توڑ گیا ہے۔ اسی وجہ سے آج وہ پی ٹی ایس ڈی کے ساتھ زندہ ہیں۔
اداکارہ نے کہا کہ اس انڈسٹری میں جو کچھ ان کے ساتھ ہوا اس کے باعث وہ اس حد تک ٹوٹ گئیں کہ خود سے نفرت کرنے لگیں۔ وہ کسی کے جھوٹی ہمدردی میں دیے گئے پروجیکٹس اور پیشکشوں کی خواہش مند نہیں۔
ان کا کہنا تھا کہ وہ چاہتی ہیں کہ انہیں اکیلا چھوڑ دیا جائے کیونکہ اس انڈسٹری کی تلخ یادیں انہیں بیمار کر دیتی ہیں اور اس کے زخم آج بھی ان کے دل پر نقش ہیں۔
