صدر مملکت آصٖ علی زرداری کہتے ہیں کہ ہمیں جنگوں کا نہیں معاشی ترقی کا سوچنا ہوگا،سب کو ایک دوسرے کی خودمختاری کا احترام کرنا ہوگا ۔
چینی ٹی وی کو دیئے گئے انٹرویو میں صدر مملکت نے کہا کہ چین اور پاکستان آہنی بھائی ہیں جن کا مستقبل ایک دوسرے سے جڑا ہے، چین نے ٹیکنالوجی میں جدت اور محنت کے بل بوتے پر دنیا میں مقام بنایا۔
پاکستان اور چین کے درمیان تعاون اور سرمایہ کاری کے وسیع مواقع ہیں، پانی کے انتظام، آفات کی روک تھام اور جدید زرعی ٹیکنالوجی میں تعاون کا فروغ وقت کا تقاضہ ہے، ہمارا جغرافیائی محل وقوع باہمی مفاد پر مبنی تعلقات کے حوالے سے اہمیت کا حامل ہے۔
انہوں نے کہا کہ 16 سے 17 مرتبہ چین کا دورہ کر چکا ہوں، ہر بار اپنائیت ملتی ہے۔ چین اب بدل چکا ہے 14 سال پہلے جب آیا تو بالکل مختلف تھا۔ہم ہر طرح کے حالات میں چین کے ساتھ کھڑے ہیں ۔ چین کے ساتھ ہمارا تعاون اب خلا تک پہنچ چکا ہے، زرعی شعبے میں چین کے تجربات سے استفادہ کریں گے۔
صدر مملکت نے کہا کہ ہمیں جنگوں کا نہیں معاشی ترقی کا سوچنا ہوگا، پُرامن بقائے باہمی پر یقین رکھتے ہیں، ترقی کا حق سب کا ہے، سب کو ایک دوسرے کی خودمختاری کا احترام کرنا ہوگا ۔
ان کا کہنا تھا کہ ہمیں آئندہ نسلوں کو بارہ کرانا ہے کہ اپنے وسائل کے بہتر استعمال سے خود انحصاری حاصل کرسکتے ہیں
