مسلم لیگ ن کی چیف آرگنائزر مریم نواز نے لاہور سے قومی اسمبلی کے حلقہ این اے 119 سے اپنی انتخابی مہم کا باضابطہ آغاز کردیا۔۔
لاہور میں تقریب کے دوران اپنے خطاب میں مریم نواز نے کہا کہ این اے 119 کو کبھی نہیں چھوڑوں گی، اس حلقہ میں رہنے والے ہر فرد اور گھرانے کی ترقی میری ذمہ داری ہے۔
مریم نواز کا کہنا تھا کہ اس حلقے کے عوام نے ظلم وجبر کے چھ سالہ دور میں میرا ساتھ دیا، 25 جنوری کو حلقہ این اے 119 میں آپ سے ملنے آﺅں گی۔
رہنما ن لیگ نے کہا کہ ہمیں ملک وقوم کی خدمت کی ایک نئی تاریخ رقم کرنی ہے۔ ن لیگ کا ہر کارکن نواز شریف اور مریم نواز ہے،
انہوں نے کہا کہ میں خود کو لیڈر نہیں سمجھتی ، عوام کی خدمت کے لئے نکلی ہوں، ہر گھر کا دروازہ کھٹکھٹانا چاہتی ہوں، آپ سب اب میری ذمہ داری ہیں، نوازشریف کا ترقی کا پیغام ہر گھر تک پہنچائیں گے، 8 فروری کو ووٹ صرف نوازشریف اور شیر کو ملے گا، ہر طرف شیر کی آواز ہوگی۔
