دنیا کی سب سے مقبول میسجنگ اور کالنگ ایپ واٹس کے صارفین کالنگ فیچر میں ڈرامائی تبدیلیوں کے لئے تیار ہوجائی۔
واٹس ایپ اپنے صارفین کی توجہ ایپ پر مرکوز رکھنے کے لئے ایک کے بعد ایک نئے فیچرز متعارف کرواتا رہتا ہے۔ حال ہی میں ایپ میں کئی نئے فیچرز متعارف کرائے گئے ہیں جس کے بعد ایک بار پھر کمپنی ایک نیا فیچر لے کر آئی ہے۔ یہ فیچر نیچے کالنگ بار سے متعلق ہے، جس میں ایک نیا انٹرفیس نظر آئے گا۔
ویبیٹا انفو نے نئے کالنگ انٹرفیس کے حوالے سے اسکرین شاٹ بھی شیئر کیا گیا ہے۔
اس شیئر کردہ اسکرین شاٹ میں صاف نظر آرہا ہے کہ آپ نیچے کالنگ بار میں واٹس ایپ کا نیا روپ دیکھ سکتے ہیں۔ نئے انٹرفیس میں کالنگ بار کو زیادہ جدید شکل دی گئی ہے اور پروفائل فوٹو کو بھی بڑا کیا گیا ہے۔
ویبیٹا انفو کے مطابق، نیا انٹرفیس صرف کچھ بیٹا ٹیسٹرز کے لیے متعارف کرایا گیا ہے۔ اس نئے انٹرفیس کے لیے بیٹا صارفین کو گوگل پلے اسٹور پر دستیاب اینڈرائیڈ 2.24.12.14 ورژن کے لیے بیٹا انسٹال کرنا ہوگا۔ جانچ کے بعد کمپنی اسے عالمی صارفین کے لیے جاری کرے گی۔
اس سے قبل واٹس ایپ کے ایک نئے فیچر کے بارے میں معلومات دی گئی تھیں جو کہ پسندیدہ رابطوں سے متعلق ہے۔ یہ فیچر اینڈرائیڈ ورژن 2.24.12.7 میں دیکھا گیا ہے، جس میں صارفین کو اپنی پسندیدہ چیٹ الگ کرنے کی سہولت ملتی ہے۔
