ابھیشیک بچن اور ایشوریا رائے کے درمیان طلاق کی افواہیں کافی وقت سے پھیل رہی ہیں۔ اس سب کے درمیان امیتابھ بچن کی ایک سوشل میڈیا پوسٹ نے سب کو حیران کر دیا ہے۔
ایشوریا رائے اور ابھیشیک بچن بالی ووڈ کے مقبول ترین جوڑوں میں سے ایک ہیں۔ جوڑے نے اپریل 2007 میں شادی کی اور ان کی ایک بیٹی آرادھیا بچن ہے۔ ایشوریا اور ابھیشیک کچھ عرصے سے اپنی طلاق کی افواہوں کی وجہ سے سرخیوں میں ہیں۔
اگرچہ ابھیشیک اور ایشوریہ دونوں نے کبھی کھل کر بات نہیں کی ہے لیکن چند ماہ پہلے بھارت کے امیر ترین خاندان کی شادی میں الگ سے آنے کے بعد یہ افواہیں مزید تیز ہوگئی ہیں۔
تاہم حال ہی میں ایشوریہ کو ابھیشیک کے گھر جلسہ کے باہر بیٹی آرادھیا کے ساتھ دیکھا گیا۔ اس سب کے درمیان اب امیتابھ بچن نے ایک ایسی پوسٹ کر دی ہے جس نے سب کو حیران کر دیا ہے۔
امیتابھ بچن نے اپنے بلاگ میں لکھا کہ اپنی کھڑکی کے نیچے سے خوشی کی آوازیں سنتا ہوں اور امید کے ساتھ خود کو تسلی دیتا ہوں ، لیکن میں اچھی طرح جانتا ہوں کہ زندگی اور توجہ مختصر وقت کے لیے ہوتی ہے۔ سب کچھ آخرکار ختم ہو جاتا ہے۔
بگ بی نے لکھا زندگی سوکھ کر ختم ہوجاتی ہے، توجہ بھی کم ہوکر آخرکار ختم ہوجاتی ہے…
امیتابھ بچن کی اس پوسٹ نے سب کو حیران کر دیا ہے اور لوگ قیاس آرائیاں کر رہے ہیں کہ بگ بی اپنی پوسٹ کے ذریعے کس طرف اشارہ کر رہے ہیں۔
