اسرائیلی حکومت کے ترجمان ایلون لیوی نے غزہ میں فضائی اور بری کارروائیوں کے ذریعے حماس کے عسکری ونگ القسام بریگیڈ کے آدھے لیڈر شہید کرنے کا دعویٰ کیا ہے۔
اسرائیلی فوج نے اپنی زمینی کارروائی کا دائرہ غزہ کے جنوب میں واقع سب سے بڑے شہر خان یونس تک وسیع کر دیا ہے۔
تل ابیب میڈیا بریفنگ کے دوران ایلون لیوی نے دعوی کیا کہ اسرائیلی افواج کی غزہ میں پیش قدمی جاری ہے۔ اب تک حماس کی بریگیڈز کے نصف رہنماؤں کو مار دیا گیا ہے۔ جس کی وجہ سے حماس کی عسکری صلاحیتوں میں نمایاں کمی آگئی ہے۔
جرمن ویب سائیٹ ڈی ڈبلیو کے مطابق اسرائیلی حکومت کا ماننا ہے کہ اس وقت غزہ حماس کے عسکری ونگ کے 24 بریگیڈز برسرپیکار ہیں اور ہر بریگیڈ میں ایک ہزار جنگجو شامل ہیں۔
دوسری جانب متحدہ عرب امارات نے اقوام متحدہ کی سلامتی کونسل میں غزہ میں فورہ جنگ بندی روکنے سے متعلق نئی قرارداد جمع کرائی ہے۔
اقوام متحدہ میں یو اے ای کے مشن کی جانب سے کی گئی ٹوئٹ میں کہا گیا ہے کہ غزہ کی پٹی کی صورتحال انتہائی خوفناک ہے۔ ہم مزید انتظار نہیں کر سکتے۔ سلامتی کونسل کو انسانی بنیادوں پر جنگ بندی کے لیے فیصلہ کن کارروائی کرنے کی ضرورت ہے۔
ٹوئٹ میں مزید کہا گیا ہے کہ اقوام متحدہ کے چارٹر کے آرٹیکل 99 کے تحت سکریٹری جنرل کو بین الاقوامی امن اور سلامتی کو خطرے میں ڈالنے والے معاملات پر سلامتی کونسل کی توجہ دلانے کا یہ اختیار حاصل ہے۔
متحدہ عرب امارات کے مشن نے کہا ہے کہ ان کی جانب سے پیش کی گئیقرارداد کے مسودے کو عرب اور او آئی سی گروپ کی مکمل حمایت حاصل ہے۔ہم تمام ممالک پر زور دیتے ہیں کہ وہ سیکرٹری جنرل کی کال کی حمایت کریں۔
