اوپن اے آئی نے لیپ ٹاپ کے لیے جی پی ٹی-او ایس ایس ماڈل پیش کیا ہے جسے مفت میں ڈاؤن لوڈ کیا جا سکتا ہے۔ صارف اسے اپنی مرضی کے مطابق بنا سکتے ہیں۔
اوپن اے آئی کے اس ماڈل کو صارف اپنی ضرورت کے مطابق حسب ضرورت بنا کر لیپ ٹاپ پر بھی چلا سکتا ہے۔ آپ کی معلومات کے لیے بتا دیں کہ کم لاگت اور حسب ضرورت کی وجہ سے ڈویلپرز اوپن ماڈلز کی طرف جا رہے ہیں۔ اس وجہ سے اوپن اے آئی نے اسے پیش کیا ہے۔
پہلے کمپنیاں سیکیورٹی وجوہات کی بنا پر ایسے ماڈلز کو پیش نہیں کرتی تھیں۔
اوپن اے آئی کا گزشتہ 6 سال میں یہ پہلا اوپن ویٹ ماڈل ہے۔ چیٹ گی پی ٹی کے آنے سے پہلے اوپن اے آئی کے سی ای او سیم آلٹمین سیکیورٹی کے حوالے سے فکر مند تھے، اس لیے انہوں نے ایسا ماڈل جاری نہیں کیا تھا۔
ڈویلپرز کی جانب سے اوپن ماڈلز کو زیادہ پسند کیے جانے کا سبب یہ ہے کہ وہ سستے بھی ہوتے ہیں اور انہیں اپنے مطابق حسب ضرورت بھی بنایا جا سکتا ہے۔
جی پی ٹی- او ایس ایس کو دو ورژن میں لایا گیا ہے۔ اس میں 120 بلین پیرا میٹر اور 20 بلین پیرا میٹر شامل ہیں۔ آئیے، دونوں ورژن کی خصوصیات تفصیل میں جانتے ہیں۔
جی پی ٹی- او ایس ایس کا 120 بلین پیرا میٹر ورژن نویڈیا جی پی یو پر چل سکتا ہے۔ جبکہ، 20 بلین پیرا میٹر ورژن صرف 16GB میموری والے لیپ ٹاپ پر کام کرے گا۔ اس کی خاصیت یہ ہے کہ یہ ماڈل کوڈنگ، ویب براؤزنگ اور ایجنٹس کو آپریٹ کرنے جیسے کام کر سکتا ہے۔
اسے اپاچی Apache 2.0 لائسنس کے تحت ہگنگ فیس، ڈیٹا برکس ، ایزورو، اے ڈبلیو ایس جیسے پلیٹ فارم کے ذریعے جاری کیا گیا ہے۔
