گوگل نے اینڈرائیڈ صارفین کے لیے کروم میں ایک نیا فیچر شامل کیا ہے، جو لمبے سے لمبے آرٹیکل کو پوڈکاسٹ کی طرح آڈیو میں تبدیل کر سکتا ہے۔ اور وہ بھی اسے استعمال کرنا بالکل مفت ہے۔
گوگل نے کروم میں ایک ایسا فیچر شامل کیا ہے، جس کی مدد سے صارفین کسی بھی ویب پیج کو پوڈکاسٹ کی طرح سن سکیں گے۔
گوگل نے آڈیو اوورویوز لا کر کروم کے ریڈ الاؤڈ فنکشن کو اپ ڈیٹ کیا ہے، جو ویب پیج کے مواد کا خلاصہ کرکے صارف کو سناتی ہے۔ جس سے صارف کو یہ محسوس نہیں ہوگا کہ کوئی مشین ویب پیج کے مواد کو پڑھ رہی ہے۔
کروم میں پہلے سے ریڈ الاؤڈ آپشن ہے، جو ہر آرٹیکل کو ایک ایک لفظ کر کے پڑھتا ہے۔ اب آیا آڈیو اوور ویو فیچر اے آئی کی مدد سے پورے مواد کی اہم باتیں ہی صارف کے سامنے رکھتا ہے۔ یہ ایسے بات کرتا ہے، جیسے پوڈکاسٹ میں دو اے آئی میزبان بات کر رہے ہوں۔ اس سے لمبے آرٹیکلز کو سمجھنا آسان ہو جائے گا۔ صارف پورا آرٹیکل پڑھنے کی بجائے پوڈکاسٹ کے اسٹائل میں اسے سن سکے گا۔
گوگل کی نوٹ بک ایل ایم ایپ میں یہ فیچر پہلے سے موجود ہے۔ اب کروم میں اسے لا کر کمپنی نے زیادہ لوگوں کے لیے اسے قابل رسائی بنا دیا ہے۔
اس فیچر کو استعمال کرنے کے لیے کروم براؤزر پر کوئی بھی صفحہ کھولیں۔ اب اوپر سیدھے ہاتھ پر دکھائی دے رہے تین نقطوں کے مینو پر ٹیب کریں اور “لسن ٹو ڈس پیج” کو منتخب کریں۔
اب ریڈنگ موڈ اوورلے کے ساتھ ایک بٹن دکھائی دے گا، جس سے پلے بیک اسپیڈ کو کنٹرول کیا جا سکتا ہے۔ یہ فیچر اینڈرائیڈ ڈیوائسز کے لیے کروم کے 140.0.7339.124 ورژن میں دستیاب ہوا ہے۔ اس کا مطلب ہے کہ اس کو لے کر تجربات مکمل ہو چکے ہیں اور اب اسے صارفین کے لیے جاری کیا جا رہا ہے۔
