چاہے انسان ہو یا جانور۔ نیند ہر ایک کے لیے بہت ضروری ہے، انسانوں کے لیے 6 سے 8 گھنٹے کی نیند بہت ضروری ہے۔ لیکن کیا آپ جانتے ہیں کہ اللہ کی ایک ایسی مخلوق بھی ہے جو زندگی بھر نہیں سوتی۔
ہم جس مخلوق کی بات کر رہے ہیں وہ تقریباً ہر جگہ پائی جاتی ہے اس میں آپ کا اپنا گھر بھی شامل ہے۔ دراصل وہ مخلوق چیونٹی ہے۔
یہ ایسی حیرت انگیز مخلوق ہے جو ساری زندگی نہیں سوتی۔ یہ مخلوق بغیر کسی آرام کے اور تھکے بغیر دن رات محنت کرتی ہے۔
یہی نہیں چیونٹیوں کا دماغ دیگر مخلوقات سے زیادہ تیز ہوتا ہے۔ وہ اناج اکٹھا کرنے سے لے کر فیملی گروپ بنانے تک کے مشکل کاموں میں دن رات جُتی رہتی ہیں۔
آپ کو بتاتے چلیں کہ چیونٹی اپنی جسامت سے بہت چھوٹی لگتی ہے لیکن اس میں ڈھائی لاکھ سے زیادہ دماغی خلیے ہوتے ہیں۔ ان خلیوں کے اثر کی وجہ سے چیونٹی مسلسل کام کرتی رہتی ہے۔
سائنسدانوں کی تحقیق کے مطابق دنیا بھر میں چیونٹیوں کی 10,000 سے زائد اقسام پائی جاتی ہیں۔ جبکہ چیونٹی کی لمبائی 2 سے 7 ملی میٹر کے درمیان ہو سکتی ہے۔ سب سے بڑی چیونٹی کو “کارپینٹر چیونٹی” کہا جاتا ہے، جو 2 سینٹی میٹر تک لمبی ہو سکتی ہے۔
چیونٹیوں کے کان نہیں ہوتے۔ اس لیے وہ سن نہیں سکتے۔ یہی نہیں اپنے پیروں کی آواز اور ان میں پائے جانے والے اعصاب کی مدد سے وہ اپنے اردگرد کی حرکات کا پتہ لگاتی ہیں۔ ان کے گھٹنوں اور پیروں کو اللہ تعالیٰ خاص قسم کے اعصاب سے لیس کیا ہے جن کی مدد سے چیونٹیاں اپنے اردگرد کی سرگرمیوں کے بارے میں جانتی ہیں۔
