عالمی فوجداری عدالت نے افغانستان میں خواتین پر مظالم کے الزام میں طالبان کے سینئر رہنماؤں سپریم لیڈرہیبت اللہ اخوندزادہ اور چیف جسٹس عبدالحکیم حقانی سمیت 3 افراد کے وارنٹ گرفتاری جاری کر دیے۔
رائٹرز کے ماطابق دی ہیگ میں قائم عالمی فوجداری عدالت کے چیف پراسیکیوٹر کریم خان نے 30 جنوری کو وارنٹ جاری کرنے کی درخواست دی تھی۔
جس کی سماعت کے بعد آج طالبان کےسپریم لیڈر ہیبت اللہ اخوندزادہ اورچیف جسٹس عبدالحکیم حقانی کے وارنٹ جاری کیے گئے۔
آئی سی سی کے ججوں نے اپنے بیان میں کہا کہ افغان طالبان کے سربراہ ہبت اللہ اخوندزادہ اور چیف جسٹس عبدالحکیم حقانی نے لڑکیوں، خواتین اور دیگر افراد کے خلاف صنفی بنیادوں پر ظلم و ستم کے انسانیت کے خلاف جرم کا ارتکاب کیا ہے جو کہ جنس، صنفی شناخت یا اظہار کے بارے میں طالبان کی پالیسی سے مطابقت نہیں رکھتے۔
بین الاقوامی فوجداری عدالت کے مطابق یہ مبینہ جرائم 15 اگست 2021 کو طالبان کے اقتدار سنبھالنے کے بعد سے شروع ہوئے اور کم از کم 20 جنوری 2025 تک جاری رہے۔
