پاکستان میں سوشل میڈیا کا استعمال وسیع پیمانے پر پھیلا ہوا ہے اور مختلف پلیٹ فارمز کی مقبولیت میں فرق کافی دلچسپ ہے.
پاکستان ٹیلی کمیونیکیشن اتھارٹی (پی ٹی اے ) کی رپورٹ کے مطابق، یوٹیوب، فیس بک، انسٹاگرام اور ٹک ٹوک جیسے پلیٹ فارمز کا استعمال کس سطح پر ہوتا ہے یہ واضح ہوتا ہے۔
یوٹیوب سب سے زیادہ مفید پلیٹ فارم
دستیاب اعداد و شمار بتاتے ہیں کہ یوٹیوب پاکستان میں سب سے زیادہ استعمال ہونے والا سوشل میڈیا پلیٹ فارم ہے جس میں 8 کروڑ سے زائد صارفین ہیں۔ دلچسپ یہ ہے کہ یوٹیوب پر مرد صارفین کی تعداد بڑی ہے، تقریباً 72 فیصد مرد اور صرف 28 فیصد خواتین ناظرین ہیں۔
فیس بک
فیس بک بھی پاکستان میں وسیع پیمانے پر استعمال ہونے والا پلیٹ فارم ہے۔ رپورٹ کے مطابق یہاں 7 کروڑ صارفین ہیں جن میں 77% مرد، اور 23 فیصدخواتین شامل ہیں۔ یہ پلیٹ فارم گفتگو، نیٹ ورکنگ اور مقامی کاروباروں کے لیے ایک مرکزی میدان بنا ہوا ہے۔
انسٹاگرام
انسٹاگرام پاکستان میں نسبتاً چھوٹا لیکن تیزی سے بڑھتا ہوا نیٹ ورک ہے جس میں ایک کروڑ 73 لاکھ صارفین ہیں۔ مرد صارفین تقریباً 64 فیصد جبکہ خواتین 36فیصد ہیں۔ نوجوان اور بصری مواد کے شوقین اس پلیٹ فارم کو پسند کرتے ہیں، اس کے ریلز، کہانیاں اور اثرات جیسی خصوصیات نوجوان ناظرین کو متوجہ کرتی ہیں
