کیا آپ بھی سست ویب سائٹ لوڈنگ یا ویڈیو کال میں مسلسل بفرنگ سے پریشان ہیں؟ اگر ہاں، تو سب سے پہلے اپنے انٹرنیٹ کنکشن کی اسپیڈ جانچنا ضروری ہے۔
کئی بار ہم بغیر وجوہات جانے بغیر انٹر نیٹ اسپیڈ سے متعلق اپنے وائی فائی یا نیٹ ورک کمپنی کو الزام دے دیتے ہیں، جبکہ اصل مسئلہ کہیں اور ہوتا ہے۔ ایک سادہ اسپیڈ ٹیسٹ آپ کو بتا سکتا ہے کہ مشکل آپ کے انٹرنیٹ کنکشن میں ہے یا اس کی وجہ کچھ اور ہے ۔
زیادہ تر لوگ اپنی انٹرنیٹ اسپیڈ پر تب توجہ دیتے ہیں جب نیٹ ورک کام کرنا بند کر دیتا ہے۔ لیکن اگر آپ اسے باقاعدگی سے چیک کرتے رہیں تو آپ کو یہ معلوم رہے گا کہ جو اسپیڈ آپ کے پیکج میں بتائی گئی ہے وہ آپ کو مل رہی ہے یا نہیں۔ سست اسپیڈ کئی بار آپ کے راؤٹر، وائی فائی سگنل، یا ڈیوائس کی وجہ سے بھی ہو سکتی ہے نہ کہ آپ کے انٹرنیٹ فراہم کنندہ سے۔
انٹرنیٹ کی رفتار چیک کرنا انتہائی آسان اور تیز عمل ہے، اس میں ایک منٹ سے بھی کم وقت لگتا ہے۔ اسپیڈ ٹیسٹ ڈاٹ نیٹ ، فاسٹ ڈاٹ کوم یا پھر گوگل پر اسپیڈ ٹیسٹ ٹائپ کریں اور ٹول کا استعمال کریں۔ ٹیسٹ شروع کرنے کے لیے “اسٹارٹ” یا ” گو” پر کلک کریں اور 10 سے 15 سیکنڈ انتظار کریں۔ اس کے بعد تین اہم نمبر سامنے آئیں گے۔
ڈاؤن لوڈ اسپیڈ
ڈاؤن لوڈ اسپیڈ بتاتی ہے کہ ڈیٹا کتنی تیزی سے آپ کی ڈیوائس تک پہنچ رہا ہے. اس کا اثر ویڈیو اسٹریمنگ، براؤزنگ اور فائل ڈاؤن لوڈ پر پڑتا ہے.
اپ لوڈ اسپیڈ
اپ لوڈ اسپیڈ دکھاتی ہے کہ آپ کی ڈیوائس ڈیٹا کتنی تیزی سے انٹرنیٹ پر بھیج رہی ہے. اس کا اثر ویڈیو کال، آن لائن گیمنگ اور کلاؤڈ پر فائل اپ لوڈ کرنے میں ہوتا ہے.
پنگ یا لیٹینسی
پنگ یا لیٹینسی بتاتا ہے کہ آپ کی ڈیوائس سے سرور تک ڈیٹا جانے اور واپس آنے میں کتنا وقت لگ رہا ہے۔ کم پنگ کا مطلب ہے تیز اور حقیقی وقت کی کارکردگی، خاص طور پر گیمنگ اور ویڈیو کالنگ میں۔
اگر آپ صحیح اور قابل اعتماد نتائج چاہتے ہیں، تو وائر کنکشن کا استعمال کریں اور ٹیسٹ کے دوران تمام ڈاؤن لوڈ یا ویڈیو اسٹریمنگ کو روک دیں۔ دن کے مختلف اوقات میں ٹیسٹ کرنے سے اوسط رفتار کا بہتر اندازہ ملے گا۔
کئی بار پلان ہائی اسپیڈ ہونے کے باوجود پرفارمنس کمزور ہوتی ہے. اس کے پیچھے وجوہات ہو سکتی ہیں پرانا راوٹر، نیٹ ورک کا استعمال، دیواروں سے سگنل بلاک ہونا، یا نیٹ ورک فراہم کنندہ کی جانب سے اسپیڈ تھروٹلنگ. اگر وائرڈ کنکشن پر بھی اسپیڈ مسلسل کم ہے تو اپنے انٹرنیٹ فراہم کنندہ سے رابطہ کریں یا کسی بہتر کنکشن پر غور کریں.
