امریکی صدر ڈونلڈ ٹرمپ نے کہا ہے کہ پاکستان کے آرمی چیف فیلڈ مارشل عاصم منیر سے میری ملاقات ہوئی ہے، وہ ایک متاثر کن اور اچھے انسان ہیں۔
دی ہیگ میں نیٹو کے سربراہی اجلاس میں شرکت کے بعد نیوز کانفرنس سے خطاب کرتے ہوئے امریکی صدر نے کہا کہ پاکستان اور بھارت کے پاس ایٹمی ہتھیار ہیں، ان کے درمیان جوہری جنگ چھڑسکتی تھی۔ میں نے دونوں کے درمیان کشیدگی ختم کرائی اور کہا کہ جنگ نہیں تجارت کریں۔
ٹرمپ نے مزید کہا کہ پاکستابن اور بھارت دونوں ہی کو کہا گیا کہ اگر انہوں نے جنگ ختم نہ کی تو ہم آپ کے ساتھ تجارتی معاہدہ نہیں کریں گے، اس پر انہوں نے کہا کہ ہم آپ سے تجارتی معاہدہ کرنا چاہتے ہیں۔
امریکی صدر کا کہناتھا کہ فیلڈ مارشل عاصم منیر نے گذشتہ ہفتے میرے دفتر میں مجھ سے ملاقات کی تھی۔ وہ ایک متاثر کن اور اچھے انسان ہیں۔
