سردیوں کے دوران ہمارے گھروں میں فریج کا استعمال کم ہو جاتا ہے۔ یہی وجہ ہے کہ کچھ لوگ فریج بند کردیتے ہیں۔ ایسا کرنے سے ریفریجریٹر کو نقصان پہنچ سکتا ہے۔ اس لیے دیکھ بھال میں بہت سی احتیاطی تدابیر اختیار کرنی چاہئیں۔
سردیوں کے موسم میں درجہ حرارت بہت کم ہوجاتا ہے جس کی وجہ سے گھروں میں فریج کی زیادہ ضرورت نہیں رہتی۔ اب موسم کی وجہ سے ہر چیز اتنی ٹھنڈی ہو جاتی ہے کہ لوگ اسے فریج میں رکھنا پسند نہیں کرتے اور کچھ لوگ سردیوں میں فریج بند بھی رکھتے ہیں۔
آپ کو بتاتے چلیں کہ اس موسم میں فریج کو بہت احتیاط سے رکھنا چاہیے۔ تھوڑی سی لاپرواہی بڑے نقصان کا سبب بن سکتی ہے۔
فریج کو زیادہ دیر تک بند نہ رکھیں
سردیوں میں فریج کا استعمال محدود ہوجاتا ہے۔ اس لیے بجلی کا بل بچانے کے لیے کچھ لوگ فریج کو بند کر کے اسے صرف ذخیرہ کرنے کے لیے استعمال کرتے ہیں۔ فریج کو زیادہ دیر تک بند رکھنے سے کمپریسر کے جام ہونے کا خطرہ بڑھ جاتا ہے۔ جام کی صورت میں نیا کمپریسر لگانا پڑے گا جس سے آپ کی جیب پر بوجھ پڑے گا۔ اس سے بچنے کے لیے ضروری ہے کہ فریج کو زیادہ دیر تک بند نہ رکھیں۔
دیوار کے ساتھ نہ رکھیں
جگہ بچانے کے لیے کچھ لوگ فریج کو دیوار یا دوسری چیزوں کے بالکل قریب رکھتے ہیں۔ ایسا کرنے سے بڑا نقصان ہو سکتا ہے۔ اس لیے فریج کے پچھلے حصے اور دیوار کے درمیان ہمیشہ کچھ فاصلہ رکھیں۔ ریفریجریٹر سے باہر آنے والی گرم ہوا کو باہر آنے دینے کے لیے یہ ضروری ہے۔
ہیٹر کو فریج کے قریب نہ رکھیں
سردیوں میں فریج کا استعمال کم ہو جاتا ہے لیکن ہیٹریا گیزر کا استعمال بہت بڑھ جاتا ہے۔ ہیٹر اور گیزر استعمال کرتے وقت اس بات کا خیال رکھیں کہ یہ فریج کے قریب نہ ہو۔ ہیٹر سے نکلنے والی گرمی ریفریجریٹر کے کمپریسر کو بری طرح نقصان پہنچا سکتی ہے۔
وولٹیج اسٹیبلائزرکا استعمال
بعض جگہوں پر وولٹیج کم زیادہ رہتا ہے۔ ایسی جگہوں پر الیکٹرانک اشیا کا استعمال قدرے مشکل ہے۔ اگر آپ بھی ایسی جگہ رہتے ہیں تو وولٹیج اسٹیبلائزر کارآمد ثابت ہو سکتا ہے۔ یہ وولٹیج کو مستحکم رکھتا ہے، جس کی وجہ سے فریج اتار چڑھاؤ سے متاثر نہیں ہوگا اور آپ اسے بغیر کسی پریشانی کے استعمال کر سکیں گے۔
