فیلڈ مارشل عاصم منیر نے قوم کو یقین دلایا ہے کہ ہر بے گناہ پاکستانی کے خون کا بدلہ ضرور لیا جائے گا۔
آئی ایس پی آر کے مطابق پشاور کور ہیڈ کوارٹرز کے دورے کےدوران فیلڈ مارشل عاصم منیر کو سیکیورٹی صورتحال اور انسداد دہشت گردی آپریشنز پر بریفنگ دی گئی۔
فیلڈ مارشل نے بنوں گیریژن کے واقعے کے شہدا کی نمازِ جنازہ میں شرکت کی اور بنوں سی ایم ایچ میں زخمیوں کی عیادت بھی کی۔
انہوں نے اس عزم کا اعادہ کیا کہ پاکستان کے عوام دہشت گردی کے خاتمے کے لیے مکمل طور پر متحد ہیں اور اس خطرے کو ملک سے مکمل طور پر ختم کرنے تک یہ جدوجہد جاری رہے گی۔
آرمی چیف نے کہا کہ دہشت گردی کے تمام سہولت کاروں، مددگاروں اور مجرموں کو ہر قیمت پر اور بغیر کسی رعایت کے انصاف کے کٹہرے میں لایا جائے گا، اور خطے میں دہشت گردی کے اصل چہرے کو پوری دنیا کے سامنے بے نقاب کیا جائے گا۔
فیلڈ مارشل سید عاصم منیر نے قوم کو یقین دلایا کہ ہر بے گناہ پاکستانی کے خون کا بدلہ ضرور لیا جائے گا اور پاکستان کی داخلی سلامتی کو کمزور کرنے کی کسی بھی کوشش کا فوری اور فیصلہ کن جواب دیا جائے گا۔
