بھارت کے ایک سیاتدان نے دعویٰ کیا ہے کہ گزشتہ روز ایشیا کپ میں ہونے والا پاک بھارت میچ فکس تھا۔ اور اس سے پاکستان کرکٹ بورڈ کو ایک ہزارکروڑ روپےکا فائدہ ہوا۔
دبئی میں گزشتہ روز پاکستان اور بھارتی کرکٹ ٹیمیں مدمقابل تھیں۔ بھارت یہ میچ 7 وکٹوں سےجیت گیا لیکن انہیں یہ فتح بھی ہضم نہیں ہوئی۔
پہلے بھارتی سیاست دان کہتے تھے کہ بھارت کو پاکستان سے میچ کھیلنا ہی نہیں چاہیے اور اب کہتے ہیں کہ میچ ہی فکس تھا۔
بھارتی ہندو انتہا پسند جماعت شیوسینا (یو بی ٹی) کے لیڈر سنجے راؤت نے پریس کانفرنس میں کہا کہ میچ ہونا حکومت کی بے شرمی ہے۔ دبئی، ابوظبی یا ٹرمپ کے میدان، کہیں بھی میچ ہوا ہو، اگر پاک بھارت میچ کھیلا گیا ہے تو یہ ہماری فوج، شہیدوں اور خواتین کی بے عزتی ہے۔
آپریشن سندور کا حوالہ دیتے ہوئے سنجے راوت نے کہا کہ میچ کھیلنے سے کیا سندور واپس آئے گا؟میچ ہونے سے 1000 کروڑ روپے پاکستان کرکٹ بورڈ کو حاصل ہوا ہے۔ ڈیڑھ لاکھ کروڑ روپے کا سٹہ لگا۔ پورا میچ فکس تھا۔
سنجے راؤت کا کہنا ہے کہ آئی ایم ایف اور ایشین ڈیولپمنٹ بینک سے آپ نے کہا کہ قرض نہ دیں، کیونکہ یہ پیسہ دہشت گردانہ سرگرمیوں میں استعمال ہوگا۔ کل جو بھارت کی مدد سے پاکستان کو پیسہ ملا، اس کا کیا؟ امت شاہ (مودی کے دست راست اور بھارتی وزیرداخلہ )کے بیٹے جئے شاہ نے پیسے دیے۔
