سوشل میڈیا پر آزادی اظہار کی بھی ایک حد ہوتی ہے۔۔ اس حد کو پار کرنے پر آپ کا فیس بک ، ایکس ، انسٹاگرام اکاؤنٹس بند ہوسکتا ہے۔ لیکن کیا کیا کوئی بھی کسی کا بھی فیس بک اکاؤنٹ بند کروا سکتا ہے؟ آئیے جانتے ہیں اس سوال کا جواب اور شکایت درج کرانے کا طریقہ۔
عام حالات میں، آپ کی رضامندی کے بغیر کسی کے لیے بھی آپ کا فیس بک اکاؤنٹ بند کروانا بہت مشکل ہے۔ فیس بک اپنی سخت کمیونٹی گائیڈ لائنز (کمیونٹی کے رہنما اصول) پر عمل کرتا ہے۔ جب کوئی اکاؤنٹ ان گائیڈ لائنز کی خلاف ورزی کرتا ہے تو فیس بک اس کے خلاف کارروائی کرتا ہے۔
فیس بک کے یہ سخت اصول صارفین کو جعلی شناخت، ہراسانی، نفرت انگیز تقریر ، اور پلیٹ فارم کے غلط استعمال سے بچانے کے لیے بنائے گئے ہیں۔ جب تک آپ کا اکاؤنٹ ان اصولوں پر قائم رہتا ہے، فیس بک عام طور پر معطلی یا حذف جیسی سخت کارروائی نہیں کرتا۔
نوٹس اور وارننگ: اگر غلطی سے کوئی پوسٹ گائیڈ لائنز کی خلاف ورزی کرتی ہے، تو فیس بک پہلے نوٹس بھیجتا ہے، جس کے بعد آپ وہ پوسٹ ہٹا سکتے ہیں۔
بار بار خلاف ورزی: اگر اس طرح کی خلاف ورزی بار بار ہوتی ہے، تو فیس بک آپ کے اکاؤنٹ کو بین کر سکتا ہے۔
کن صورتوں میں اکاؤنٹ بند ہو سکتا ہے؟
فیس بک چند سنگین حالات میں کسی بھی اکاؤنٹ کو معطل یا مستقل طور پر بند کر سکتا ہے
جعلی شناخت: اگر کوئی شخص کسی دوسرے شخص کے نام، تصویر یا ذاتی معلومات کا استعمال کر کے جھوٹی شناخت بناتا ہے۔
ہراسانی اور دھمکیاں: اگر کوئی اکاؤنٹ فیس بک کی پالیسیوں کی خلاف ورزی کرتے ہوئے ہراساں کرنے، دھمکانے یا پریشان کرنے میں ملوث پایا جاتا ہے۔
نفرت انگیز تقریر: اگر کوئی پوسٹ تشدد کو ہوا دیتی ہے یا نسل، مذہب یا جنس کی بنیاد پر تعصب یا نفرت انگیز تقریر پھیلاتی ہے۔
پریشان کرنے والے اکاؤنٹ کی رپورٹ کیسے کریں؟
اگر آپ کو کوئی ایسا اکاؤنٹ ملتا ہے جو فیس بک کی پالیسیوں کی سیدھی خلاف ورزی کر رہا ہو، تو آپ خود اس کی رپورٹ کر سکتے ہیں:
پروفائل پر جائیں: اس اکاؤنٹ کی پروفائل پر جائیں جس کی آپ رپورٹ کرنا چاہتے ہیں۔
تین نقطوں پر کلک کریں: وہاں موجود تین نقطوں (…) پر کلک کریں۔
رپورٹ کریں کا انتخاب: آپ کو ‘رپورٹ کریں’ کا آپشن نظر آئے گا، اس پر کلک کریں۔
شکایت کی وجہ بتائیں: رپورٹ کی وجہ بتائیں (جیسے: جعلی اکاؤنٹ، ہراسانی، وغیرہ)۔
شناخت کی تصدیق: جعلی شناخت کے معاملے میں، فیس بک کارروائی سے پہلے آپ کی شناخت کی تصدیق کے لیے آپ کے شناختی دستاویزات بھی طلب کر سکتا ہے۔
