صدر آصف علی زرداری نے یوم ِ پاکستان اور عید الفطر کے موقع پر قیدیوں کی سزاؤں میں 180 روز کی خصوصی چھوٹ دے دی۔
جاری کردہ اعلان کے مطابق صدر مملکت نے سزاؤں میں کمی کی منظوری آئین کے آرٹیکل 45 کے تحت دی ۔
سزاؤں میں کمی کا اطلاق قتل ، جاسوسی، ریاست مخالف سرگرمیوں میں ملوث قیدیوں پر نہیں ہوگا۔ اس کے علاوہ زنا، چوری ، ڈکیتی ، اغواء ، دہشت گردی میں سزا یافتہ ، مالی جرائم ، قومی خزانے کو نقصان پہنچانے والے مجرموں بھی اس سے فائدہ نہیں اٹھاسکتے۔
اسی طرح سزا میں کمی کا اطلاق غیر ملکی افراد ایکٹ، 1946 اور منشیات کنٹرول (ترمیمی) ایکٹ 2022 کے تحت سزا یافتہ افراد پر بھی نہیں ہوگا۔
سزا میں کمی کا اطلاق ایک تہائی قید کاٹ چکنے والے 65 سال سے زائد عمر کے مرد قیدیوں اور ایک تہائی قید کاٹ چکنے والی 60 سال سے زائد عمر کی خواتین قیدیوں پر ہو گا۔
بچوں کے ساتھ جیل میں موجود خواتین قیدیوں، ایک تہائی سزا کاٹ چکنے والے 18 سال سے کم عمر افراد پر بھی سزا میں کمی کا اطلاق ہوگا۔
