دنیا بھرمیں ریکارڈ ساز کاروبار کرنے والی ہالی ووڈ فلم اوتار کے تیسرا حصے کا انتظار کرنے والوں کے لیے ایک بڑی خوشخبری سامنے آئی ہے۔ جلد ہی اوتار-‘ یعنی ’اوتار: فائر اینڈ ایش‘ کا ٹریلر ریلیز ہونے والا ہے۔ فی الحال اس کا فرسٹ لُک پوسٹ جاری کیا ہے، جو آتے ہی سوشل میڈیا پر ٹرینڈ کرنے لگا ہے۔
اوتار: فائر اینڈ ایش اوتار سیریز کی تیسری فلم ہے۔ اس میں اداکارہ اونا چیپلن ولن کے کردار میں نظر آئیں گی۔ ان کے کردار کا نام ورَنگ ہے۔
فلم سازوں نے سوشل میڈیا پر پوسٹر شیئر کرتے ہوئے لکھا ہے کہ اوتار: فائر اینڈ ایش میں ورَنگ سے ملیے۔
نئے ولن کی انٹری کے ساتھ شائقین کی فلم کے تئیں دلچسپی مزید بڑھ گئی ہے۔ ورَنگ کو منکوان قبیلے یا ایش پیپل کی لیڈر بتایا گیا ہے۔
فلم کے ہدایتکار جیمز کیمرون کا کہنا ہے کہ ورَنگ ان لوگوں کی لیڈر ہے، جنھوں نے مشکلات کا سامنا کیا ہے۔ اس سے وہ مزید سخت ہو گئی ہے۔
اوتار بنانے والوں کا کہنا ہے کہ 25 جولائی سے سنیما گھروں میں ریلیز ہونے جا رہی فلم ’دی فنٹاسٹک فور: فرسٹ اسٹیپس‘ کے ساتھ اس کا ٹریلر دکھایا جائے گا۔ یہ رواں سال 19 دسمبر کو دنیا بھر کے سنیما گھروں میں دستک دے گی۔
