اداکارہ میرا نے برطانوی حکومت اور خصوصی طور پر پاکستان میں تعینات برطانوی ہائی کمشنر نے اپیل کی ہے کہ ان کی بہن کینسر کی مریض ہے جو برطانیہ میں مقیم ہے، ان پر غلط فہمی کی بنیاد پر پابندی لگی۔ان کا کیس میرٹ کی بنیاد پر دیکھ کر انہیں ویزا جاری کیا جائے.
فروری 2025 میں اداکارہ میرا کی والدہ اور برطانیہ میں مقیم بہن نے بتایا تھا کہ غلط انگریزی بولنے پر میرا پر برطانیہ میں داخلے پر 10 سالہ پابندی لگی۔ جو اب ختم ہوگئی ہے۔
تاہم اب میرا کی ویڈیو سامنے آئی ہے، جس میں انہوں نے برطانوی حکام سے ویزا جاری کرنے کی اپیل کی ہے۔ ان کا کہنا ہے کہ بار بار درخواستیں دینے کے باوجود انہیں برطانیہ کا ویزا نہیں دیا جا رہا ۔
اداکارہ نے کہا ہے کہ ان کی بہن کینسر کی مریضہ ہیں، ان کی بہن کی دو سال کی چھوٹی بچی ہیں، جس کی دیکھ بھال بھی ضروری ہے، میرٹ کی بنیاد پر ان کی درخواست پر غور کرکے انہیں ویزا جاری کیا جائے۔
