بھارت نے ایشیا کپ کے فائنل میں پاکستان کو ہرا کر 11ویںمرتبہ ٹائٹل اپنے نام کرلیا۔
دبئی میں کھیلےگئے میچ میں بھارت نے ٹاس جیت کر پہلے فیلڈنگ کا فیصلہ کیا۔ پاکستان کی پوری ٹیم 20 ویں اوور کی پہلی گیندپر 146 رنز پر آؤٹ ہوگئی۔ جوابمیں بھارت نے مطلوبہ ہدف 20 ویں اوور میں حاصل کرلیا۔
پاکستان کی بیٹنگ فلاپ
پاکستان کی جانب سے صاحبزادہ فرحان اور فخر زمان نے بہترین اوپنگ اسٹینڈ فراہم کیا۔ دونوں نے 84 رنز کی شراکت داری قائم کی۔ 10 ویں اوور میں صاحبزادہ فرحان آؤٹ ہوئے۔ انہوں نے تین چھکوں اور پانچ چوکوں کی مدد سے 57 رنز کی عمدہ اننگز کھیلی۔
صائم ایوب ایک مرتبہ پھر کوئی خاص کارکردگی دکھانے میں ناکام رہے، وہ 14 رنز جبکہ محمد حارث صفر پر آؤٹ ہوئے۔
فخر زمان نے دو چوکوں اور دو چھکوں کی مدد سے 46 رنز بنائے، وہ 15ویں اوور میں پویلین لوٹے تو کوئی بھی کھلاڑی بھارتی اسپنرز کے سامنے ٹک نہ سکا۔
پاکستانی بیٹرز یکے بعد دیگرے وکٹیں گنواتے رہے۔ حسین طلعت ایک، کپتان سلمان علی آغا 8، شاہین شاہ آفریدی صفر، فہیم اشرف صفر، حارث رؤف 6، محمد نواز 6 رنز بنا کر آؤٹ ہوئے جبکہ ابرار احمد ایک رن کے ساتھ ناٹ آؤٹ رہے۔
بھارت کی بیٹنگ
انڈیا نے ہدف کے تعاقب کا آغاز کیا تو اس کی پہلی وکٹ ابھیشیک شرما کی صورت میں دوسرے اوور کی پہلی گیند پر گری، انہیں فہیم اشرف نے اپنا شکار بنایا، وہ صرف 5 رنز ہی بنا سکے۔
ون ڈاؤن کریز پر اترنے والے سوریا کمار یادیو بھی زیادہ دیر تک نہ ٹک سکے، انہوں نے صرف دو رنز بنا کر شاہین شاہ آفریدی کے ہاتھوں اپنی وکٹ گنوائی۔ اوپنر شبمن گل 12 رنز بنا کر آؤٹ ہوئے۔
سنجو سیمسن اور تلک ورما چوتھی وکٹ پر بھارت کا اسکور 77 رنز تک لے گئے۔ اس موقع پر ابرار نے سنجو سیمسن کو آؤٹ کرکے اس شراکت داری کو توڑا۔
تلک ورما نے شیوم دوبے کے ساتھ مل کر بھارت کی کشتی کو پار لگایا۔ تاہم 19 ویں اوور کی آخری گیند پر فہیم اشرف نے دوبے کو آؤت کردیا۔ 20 اوور میں بھارت نےہدف حاصل کرلیا۔
